थौं नं राजनीतिक वार्ता
येँ (सन्ध्या टाइम्स)/ राजनीतिक गतिरोध चीकेत थौं नं निगू पक्षीय व स्वंगू पक्षीय वार्ता जुइत्यंगु दु। थौं नेकां-एमाले वार्ता जुइगु व अनंलि एमाले-माओवादी वार्ता जुइगु खँ धाःगु दु। मंकाः एजेण्डा दयेकेत एमाले-कांग्रेस सहलह जुइगु खँ धाःसां नं वार्ता गबलय् गन जुइ धइगु खँ धाःसा मधाःनि। उखे एमालें स्वनातःगु वार्ता कमिटी व एमाले अध्यक्ष झलनाथ खनाल दथुइ थौं सहलह जूगु दु ।
