ज्या मजुयाः ६ करोड बजेट 'फ्रिज'
येँ (सन्ध्या टाइम्स)/अर्थ मन्त्रालयपाखें तनहुँ जिल्लाया निंतिं वंगु आर्थिक दँय् विनियोजन याःगु कूल बजेटय् करीब छगू अर्ब ख्वीन्यागू करोड न्यागू लाख व नीच्याद्वः तका दां जक खर्च जूगु कोष तथा लेखा नियन्त्रण कार्यालयपाखें
सीदुगु दु ।
थुकथं विनियोजित बजेट मध्ये खुगू करोड नीछगू लाख ग्वीप्यद्वः तका दां खर्च जुइफयेवं आः उगु दां 'फ्रिज' जुइगु संकेत क्यंगु दु ।
विनियोजित बजेट मध्ये जिविसपाखें चय्छगू लाख न्यय्प्यद्वः, जिल्ला प्राविधिकपाखें झिंनिगु लाख झिंछद्वः, जिल्ला शिक्षा पाखें न्हय्प्यद्वः व झिच्याद्वः, जिल्ला पशुसेवापाखें झिंन्हय्गू लाख स्वीस्वद्वः व सहकारी पसः चायेकेगु निंतिं वःगु निगू लाख दां खर्च याये मफयाः 'फ्रिज' जुइग अवस्थाय् थ्यंगु खँ कार्यालयं धाःगु दु ।
थगुने कार्तिकं बजेट वःगुलिं नं ज्या मजुयाः खर्च जुइमफुगु खः ।
