सहमतिया प्रस्ताव यंकेत एमाले व कांग्रेस सहमत
वर्तमान राजनीतिक गतिरोध ज्यंकेगु निंतिं सहमतिया प्रस्ताव यंकेत सत्तारुढ प्रमुख दलत नेकपा (एमाले) व नेपाली (कांग्रेस) सहमत जूगु दु ।
बुधवाः येँया एभरेष्ट होटलय् च्वंगु निगू दलया नेतातय् बैठकं सहमतिया प्रस्ताव यंकेगु विषयलय् सहमति प्वंकूगु खः । माओवादीं संसदय् मंकाः संकल्प प्रस्ताव दर्ता याकेगु विकल्प न्ह्यनेगु हःगु ईलय् सत्तारुढ दलं सहमतिया प्रस्ताव यंकेगुलि समहति प्वंकूगु दु ।
बैठक लिपाः संचारकर्मीत लिसे खँल्हाबंला यानादिसें कांग्रेस संसदीय दलया नेता रामचन्द्र पौडेलं थ्व सहमतिया प्रस्ताव संकल्प प्रस्ताव वा मेगू प्रस्ताव नं जुइफइगु खँ कनादिल । वयेकलं गज्याःगु प्रस्ताव जुइगु धइगु विषयलय् बिहीवाः माओवादी सहित स्वंगू प्रमुख दलया बैठकं क्वछीइगु धयादिल ।
बैठकय् एमालेया पाखें नेता युवराज ज्ञवाली, केशव बडाल, उर्मिला अर्याल, पशुराम मेगीगुरुङ व कांग्रेसया पाखें नेता पौडेल नापं विमलेन्द्र निधि व प्रकाशमान सिंहं ब्वति कयादीगु खः ।
