मातृकां गोइतनाप कार्यगत एकता याइगु

पुनर्गठित नेकपा (माओवादी)या संयोजक मातृकाप्रसाद यादवं मधेशय् सशस्त्र विद्रोह यानाच्वंगु स्वम्ह नेतात नाप कार्यगत एकताया निंतिं खँल्हाबंला यानाच्वंगु खँ धयादीगु दु ।

सप्तरीया सदरमुकाम राजविराजय् बुधवाः संचाकर्मीत नाप खँल्हाबंला यानादिसें यादवं मधेशया सशस्त्र पुचः जयकृष्ण गोइत, विलासी यादव, पृथ्वी सिंह सहितया सशस्त्र पुचःया नेतात नाप थःगु खँ जुयाच्वंगु धयादिल । वयेकलं कार्यगत एकता यानाः वनीगु पक्षय् थः दुगु कनादिल ।

सरकारं विशेष सुरक्षा योजनाया नांमय् जनतायात अधिकार विहीन व दमन यायेगु षडयन्त्र यानाच्वंगु दावी यानादिसें वयेकलं विशेष सुरक्षा योजना मधेसयात लुटे यायेत व पहाडयात जनजाति प्रति षडयन्त्र यायेगु योजना केन्द्रित जूगु स्पष्ट यानादिल ।