माओवादीं न्याम्ह सदस्यीय वार्ता पुचः गठन

वर्तमान राजनीतक गतिरोध अन्त्यया निंतिं प्रमुख प्रतिपक्षी दल एकीकृत नेकपा (माओवादीं) उपाध्यक्ष डा. बाबुराम भट्टराईया संयोजकत्वय् न्याम्ह दुजः दुगु वार्ता पुचः गठन याःगु दु ।

बुधवाः माओवादी अध्यक्ष पुष्पकमल दाहाल 'प्रचण्ड' निवास न्हूबजारय् च्वंगु बैठकं थीथी राजनीतिक दलत नाप खँल्हाबंला यायेत भट्टराई नापं मेम्ह उपाध्यक्ष नारायणकाजी श्रेष्ठ 'प्रकाश', पोष्टबहादुर बोगट, देव गुरुङ व नेक्रविक्रम चन्द दुथ्याःगु पुचः गठन याःगु खः ।

माओवादीं गतिरोध अन्त्यया निंतिं थीथी राजनीतिक दल नाप तीव्र रुपं वार्ता यायेगु निर्णण याःगु दुसाः संसदय् जुयाच्वंगु अवरोध चीकेत संसंदय् मंकाः संकल्प प्रस्ताव दर्ता यायेगु विकल्प न्ह्यने हःगु दु ।