बिस्यूवंपिं कैदीतय् बारे छानवीन यायेत समिति गठनं
गृहमन्त्रालयं सोमवाः बहनी कन्चनपुरस्थित महेन्द्रनगरं बिस्यूवंपिं कैदीतय् बारे छानबीन यायेत छगू समिति गठन याःगु दु ।
मंगलवाः मन्त्रालयया सहसचिव शंकारप्रसाद कोइरालाया संयोजकत्वय् प्रहरी वरिष्ठ उपरीक्षक पूर्णिसंह खडका व अनुसन्धान उप निर्देशक केशव सिंह दुजः दुगु समिति गठन याःगु खः । स्वम्ह दुजः दुगु थुगु समितियात झिंन्हान्हुया दुने सत्यकथ्या छानबिन यानाः मन्त्रालययात प्रतिबेदन लःल्हायेगु जिम्मेवारी ब्यूगु दु ।
सोमवाः बहनी महेन्द्रनगरय् च्वंगु जेलं प्रहरीया छपू थ्रिनट-थ्रि राइफल ज्वनाः झिंस्वम्ह कैदीत बिस्यूवंगु खः । बिस्यूवंपिं झिंस्वम्ह मध्ये स्वम्ह कैदीतय्त प्रहरीं मंगलवाः ज्वंगु दु । सोमवाः जेलं बिस्यूवंपिं तिलकराम चौधरी, करननाथ व राम चन्दयायात प्रहरीं ज्वंगु खः ।
बिस्यूवंपिं मेपिं कैदीत मलेगु ज्या ब्यापक रुपं जुयाच्वंगु खँ प्रहरीं धाःगु दु । कैदीतय्त मालेत सीमा क्षेत्रय् नं सुरक्षाकर्मीत परिचालन याःगु दु ।
