संसद सुचारु यायेत माओवादीं लचकता क्यनीगु
अवरुद्ध व्यवस्थापिका संसद सुचारु यायेत एकीकृत नेकपा (माओवादीं) लचकता क्यनीगु जूगु दु ।
मंगलवाः माओवादी अध्यक्ष पुष्पकमल दाहाल 'प्रचण्ड' निवास न्हूबजारय् च्वंगु स्थायी समितिया बैठकं लचकता क्यनीगु निष्कर्ष पिकाःगु खः । उगु बैठकय् लिप्पांगु राजनीतिक सकस्या व समाधानया निंतिं जुयाच्वंगु कुतःया बारे नं समिक्षा जूगु खः । नापं बैठकं याकनं प्रमुखः स्वंगू दलया शीर्ष नेतात दथुइ च्वनीगु बैठकय् पार्टीया भूमिका बारे नं सहलह जूगु खः ।
बैठक लिपाः संचारकर्मीत नाप खँल्हाबंला यानादिसें माओवादी उपाध्यक्ष डा. बाबुराम भट्टराईं गतिरोध अन्त्यया निंतिं थीथीं चरणय् वार्ता जुयाच्वंगु व उगु वार्तां निरन्तरता काइगु कनादिल । अथेहे मेम्ह उपाध्यक्ष नारायणकाजी श्रेष्ठ 'प्रकाशं' शुक्रवाः च्वनीगु स्थायी समितिया बैठकया निंतिं थौं थुगु बैठक च्वंगु कनादिल ।
