भ्रमण फलदायी : प्रधानमन्त्री नेपाल

प्रधानमन्त्री माधवकुमार नेपालं थःगु अमेरिका भ्रमण तसकं फलदायी जूगु खँ धयादीगु दु ।

६४ क्वःगु संयुक्त राष्ट्र संघया महासभाय् ब्वति कयाः सोमवाः येँ लिहांझायेवं त्रिभुवन अन्तर्राष्ट्रिय विमानस्थलय् यानादीगु पत्रकार सम्मेलनय् भ्रमणया चीहाकःगु ईलय् नं नेपाःया कुटनीतिक स्वापू अप्वयेकेगु ज्या जूगु धयादिसें भ्रमण फलदायी जूगु टिप्पणी यानादिल ।

सोमवाः सुथय् च्यताः ईलय् विमानस्थलय् अवतरण यानादिम्ह प्रधानमन्त्री नेपालं राजनीतिक दलत दथुइ न्ह्यानाच्वंगु सहमतिया पलाः सकारात्मक जूगु धयादिसें याकनं हे राजनीतिक गतिरोध अन्त्य जुयाः समस्या समाधान जुइगु विश्वास प्वंकादिल ।