'देशय् शान्ति जुइमाः धका कामना यानाः'
नेपाली कांग्रेसया सभापति गिरिजाप्रसाद कोइरालां विराटनगरय् दुगु काली देगलय् पूजाअर्चना यानादीगु दु ।
शनिवाः थःगु गृहनगर विराटनगरया मुख्य बजाःलय् दुगु काली देगलय् पूजा यायेधुंकाः संचारकर्मीत नाप खँल्हाबंला यानादिसें सभपति कोइरालां देशय् शान्ति, राजनीतिक स्थायित्व व नेपाः व नेपामितय् उन्नतिया निंतिं शक्ति फ्वनाःगु खँ धयादिल ।
देशय् शान्ति व राजनीतिक स्थायित्व प्राप्त जुया समृद्ध नेपाल निर्माण जुइगु खँय् थः विश्वस्त जूगु खँ नं वयेकलं धयादिल । कोइराला नापं संस्कृति मन्त्री डा. मिनेन्द्र रिजाल, नेता डा. शेखर कोइराला नं नापं झायादीगु खः ।
मोहनिया भिंतुना बित शुक्रवाः विराटनगर थ्यंकादिम्ह सभापति कोइराला आइतवाः येँय् लिहांझायादीगु ज्याझ्वः दु । थः छेँजः नापं कांग्रेस नेतृ शेलजा आचार्य थुगुसी मदुगुलिं वयेकलं थुगुसिया मोहनि मन्याकेगु खँ सिदुगु दु ।
