याकनं हे राष्ट्रिय सहमति जुइ : कोइराला

नेपाली कांग्रेसया सभापति गिरिजाप्रसाद कोइरालां उच्चस्तरीय राष्ट्रिय सहमति याकनं हे जुइगु खँ धयादीगु दु ।

शुक्रवाः थःगु गृहनगर विराटनगर थ्यंकादिम्ह कोइरालां पत्रकारत नाप खँल्हाबंला यानादिसें वर्तमान राजनीतिक गतिरोधया निंतिं थःम्हं पहल न्ह्याके धुनाःगु खँ कनादिसें याकनं हे सहमति जुइगु धयादिल । वयेकलं एकता, सहकार्य व समहतिया विकल्प मदुगु धयादिसें थुकीया हे लिधंसाय् राष्ट्रिय सहमति जुइगु धयादिल । वयेकलं राष्ट्रिय सहमति हे आःया आवश्यकत जूगु खँ नं धयादिल ।

सभापति कोइरालां कांग्रेसं लोकतन्त्र व विधिया शासनय् सुं नाप नं सहमति मयाइगु धयादिल । कोइरालां साम्प्रदायिक राजनीतिक नारां सुया नं हित मयाइगु धयादिसें थः दुतल्ले देश विखण्डन जुइगु ज्या सफल यायेमबीगु दाबी यानादिल ।