नेवाः राज्यया प्रशिक्षण

येँ (सन्ध्या टाइम्स)/नेवाः स्वायत्त राज्य मंकाः परिषद किपूपाखें थौं सुथय् 'नेवाः स्वायत्त राज्यया निंतिं नेवाःतय् भूमिका' विषयक छगू प्रशिक्षण ज्याझ्वः यात। ज्याझ्वलय् नेवाः देय् दबूया संरक्षक मल्ल. के सुन्दर, नेवाः देय् गुथि नेपालमण्डलया नायः नरेन्द्रभक्त हाडा, माओवादी सभासद दिलिप महर्जन, नेपाल लोकतान्त्रिक नेवाः संघया नायः सानुराजा शाक्य व लोकतान्त्रिक नेवाः दबूया वीरेन्द्रभक्त श्रेष्ठपिंसं थःथःगु नुगःखँ प्वंकादीगु खः ।