नघः बहाः सर्वसंघया तःमुँज्या
येँ (सन्ध्या टाइम्स)/श्री रत्नमण्डप महाविहार नघःबहाः येँया प्यक्वःगु तःमुँज्या जुल। तःमुँज्याय् सर्वसंघया छ्याञ्जे सिद्धिरत्न शाक्य व गुलांबाजं खलःपाखें रोशनबहादुर शाक्यं प्रतिवेदन न्ह्यब्वयादीगु खःसा दांभरि बाबुराजा शाक्यपाखें ल्याःचाः न्ह्यब्वयादीगु खः। तःमुँज्यां न्हापांखुसी संघय् चुडाकर्म याये धुंकूपिं जक मखु कि मिस्तय्त नं दुथ्याकाः पारिवारिक वातावरण हयेगु लागिं बहाःया दकलय् थकाली नकिं व बहालय् योगदान याःपिं झिंछम्हेसित नं हंगु खः। लिसें २४ म्ह ज्याथपिंत नं हंगु खः।
ज्याझ्वलय् अमीरमान शाक्य, सल्लाहकार डा. श्यामरत्न शाक्य, गुह्यरत्न शाक्यपिंसं थः थःगु नुगः खँ प्वंकादीगु खः।
सर्वसंघं वइगु कतिं पुन्हि कुन्हु नघः विहारय् हिदान ज्याझ्वः यायेगु क्वःछिउगु दु ।
