नेपाल आदर्शया ५९ क्वःगु बुदिं हन
येँ (सन्ध्या टाइम्स)/नेपाल आदर्श मावि गणबहालया ५९ क्वःगु बुदिं व विद्यालयं २०६५ सालय् एसएललसी ताःलाःपिं विद्यार्थीपिंत हन। ज्याझ्वलय् विद्यालयपाखें शैक्षिक सत्र २०६५ इ कक्षाय् न्हाप, लिउ व लियां लिउ लाःपिं विद्यार्थी व अतिरिक्त क्रियाकलापय् विजयी विद्यार्थी व लिसें स्व. देवकुमारी स्मृति छात्रवृत्ति, स्व. कनकमान शाक्य छात्रवृत्ति, फिफा रेफ्री स्व. श्यामकृष्ण श्रेष्ठ छात्रवृत्ति व स्व. चैत्यनारायण मानन्धर स्मृति छात्रवृत्तिं पुरस्कृत यात। विद्यालय व्यवस्थापन समितिया अध्यक्ष हरिशंकर श्रेष्ठया सभापतित्वय् जूगु ज्याझ्वलय् एसएलसीइ दकलय् अप्वः हःम्ह सावित्री तिमिल्सिनायात स्व. हरिकृष्ण मूल पदक नं लःल्हाःगु खः ।
