मोहनि न्ह्यः हे सहमति जुइफु : महरा

एकीकृत नेकपा (माओवादी)या नेता कृष्णबहादुर महरां मोहनि न्ह्यः हे दलत दथुइ सहमित जुइगु सम्भावना अप्वःगु खँ धयादीगु दु ।

नेपाल पत्रकार महासंघ दाङ शाखां बिहीवाः घोराहीलय् याःगु पत्रकार सम्मेलनय् न्ववानादिसें नेता महरां बिहीवाः हे प्रमुख स्वंगू दलया शीर्ष नेतात दथुइ जूगु कर्न्फ्रन्स कल सकारात्क जूगु धायदिसें सहमतिया सम्भावना अप्वःगु धयादिल ।

वयेकलं जनतां माओवादीयात सरकारया नेतृत्व यायेत म्यान्डेट ब्यूगु धयादिसें जनताया म्यान्डेट पूवंकेत जुसां माओवादी नेतृत्वया सरकार गठन जुइमाः धयादिल । वयेकलं सत्तारुढ दलतय्सं खँ छगू ल्हाइगु व ज्या मेगू हे याइगुलिं समस्या वःगु द्वपं नं बियादिल ।