'भिंतुना' यात हन

येँ (सन्ध्या टाइम्स)/धरानय् जूगु 'पूर्वाञ्चल क्षेत्रीय आदिवासी जनजाति चलचित्र उत्सव २०६६' स नेवाः संकिपा 'भिंतुना' क्यनेज्या जुल। उगु ज्याझ्वलय् नेवाः देय् दबू धरानया कजि सरला कायस्थं लःल्हानादीगु हनापौ आदिवासी जनजाति चलचित्र महासंघं लःल्हाना काःगु खःसा लिपा महासंघं छगू बचाःधंगु ज्याझ्वः यासें निर्देशक आर्यम नकःमियात लःल्हात। हनापौ लःल्हायेगु ज्याझ्वलय् महासंघया अध्यक्ष दिपेन्द्र राई, उपाध्यक्ष विजयरत्न तुलाधर व निर्देशक रत्नकाजी लुनिभाःपिंसं नुगःखँ प्वंकादीगु खः।