तमलोपां सरकार त्वतेगु ख्याच्वः

युवा व खेलकुद मन्त्री गणेश नेपालीं मधेशया मुद्दा संविधानय् दुमथ्याकूसाः तराई-मधेश लोकतान्त्रिक पार्टी सरकारं पिहावनीगु ख्याच्वः बियादीगु दु ।

महोत्तरी सदरमुकाम जलेश्वरय् बिहीवाः ग्वसाःग्वःगु पत्रकार सम्मेलनय् मन्त्री नेपालीं राजनीतिक दलत सरकार निर्माण व क्वथलेगु ज्याय् लगेजुयाच्वंगु द्वपं बियादिल । वयेकलं आःया प्रमुख ज्या संविधान निर्माण यायेगु खः धयादिसें राजनीतिक दलत सत्ता प्राप्तिया कासाःय् लगेजूयाच्वंगु धयादिल ।

ज्याझ्वलय् मन्त्री नेपालीं नेपामित आन्दोलन पाखें वितृष्णा जुइधुंकूगु धयादिसें जनतां आन्दोलन यासाः उकीया नेतृत्व तमलोपां याइगु दाबी यानादिल । वयेकलं वर्तमान सरकारयात विफल यायेत ध्यबाया अभाव सृजना यानाः हाकूगु बजाःया कासाः जुयाच्वंगु धयादिसें थुकी सरकार स्वयमया नं कमजोरी दुगु स्वीकार यानादिल ।