थीथी थासय् दुर्घटना / छम्ह सीत, स्वीन्याम्ह घाःपाः

बिहीवाः सुथय् बारा व रौतहटय् जूगु सवारी दुर्घटनाय् छम्ह मचा सीगु दुसाः स्वीन्याम्ह घाःपाः जूगु दु ।

वीरगञ्जं पथलैया वनाच्वंगु ना. ४. ख. १४६ नम्बरया ट्रिपरं मचायात ठक्कर नकूगु खः । ठक्कर नयाः जितपुर-३ या खुदँया गनीकुमार रौनीयार सीगु खः ।

अथेहे बनेपां सिन्धुली पाखे वनाच्वंगु बा. २. ख. २७१८ नम्बरया यात्रुबाहक बसं रौतहटय् दिकातःगु ना. २. ख. २४४७ नम्बरया ट्रकयात ठक्कर ब्यूवलय् यात्रुवहाक बसय् सवार स्वीन्याम्ह यात्रुत घाःपाः जूगु दु । घाःपाः जूपिं मध्ये गम्भीर अवस्था जुपिं झिम्हेसित वासः याकेत नारायणी उपक्षेत्रीय अस्पताल वीरगञ्जय् यंकूगु खसाः सामान्य घाःपाः जूपिंत चन्द्रनिगाहपुरय् वासः याकातःगु दु ।