माओवादी व फोरमया कार्यकर्तात दथुइ ल्वापू

एकीकृत नेकपा (माओवादी) व मधेशी जनअधिकार फोरम (लोकतान्त्रिक)या कार्यकर्ता दथुइ परासीलय् ल्वापू जूगु दु । बुधवाः न्हिनय् परासीलय् जूगु ल्वापूइ लाना न्याम्ह माओवादी कार्यकर्तात घाःपाः जूगु दु ।

परासीलय् थीथी ज्याझ्वलय् ब्वति कायेत थ्यंकादिम्ह महिला व बालबालिका राज्यमन्त्री रामबच्चन यादवयात माओवादी कार्यकर्तातय्सं हाकूगु ध्वाँय् क्यनेगु झ्वलय् थुगु ल्वापू जूगु खः । राज्यमन्त्री जुइधुंका न्हापांगु खुशीइ थःगु गृह जिल्ला थ्यंकादिम्ह राज्यमन्त्री यादवयात हाकूगु ध्वाँय् क्यनेगु झ्वलय् जूगु ल्वापूइ थः न्याम्ह कार्यकर्तात घाःपाः जूगु खँ माओवादीं धाःगु दु ।