झापाय् पसः मजदुरत आन्दोलित
येँ (सन्ध्या टाइम्स)/झापाया पसलय् ज्या याइपिं मजदुरतय्सं थीथी झिंप्यंगू माग न्ह्यब्वसें आन्दोलनया घोषणा याःगु दु। अखिल नेपाल मजदुर संघया नेतृत्वय् आन्दोलनय् कुहां वःपिं मजदुरतय्सं राष्ट्रिय पसः मजदुर संघ गठन यायेमाःगु, मजदुरतय् सामाजिक सुरक्षाया ग्यारेन्टी जुइमाःगु, आः दयेकीगु श्रम ऐनय् पसः मजदुरतय् अधिकार सुनिश्चित यायेमाःगु माग यानाः थ्व आन्दोलन याःगु खः। अथे हे जीवन बिमाया व्यवस्था जुइमाःगु, २४० न्हु ज्या याःपिं मजदुरतय्त नियुक्ति पत्र बीमाःगु माग नं याःगु दु। थःपिनि मागया सुनुवाइ मजुल धाःसा झापा न्यंकंया पसः बन्द यायेगु ख्याच्वः नं बिउगु दु ।
