ख्वना सम्बन्धी फोटो ब्वज्या
ख्वना (सन्ध्या टाइम्स)/ विश्व पर्यटन दिवस व ख्वनाया इन्द्रायणी जात्राया लसताय् फोटो पत्रकार लक्ष्मीप्रसाद ङाकुसीया याकः फोटो ब्वज्या 'इमेज अफ खोकना'या उलेज्या देय् थकालि बुलाल महर्जनं यानादिल ।
ख्वनायाया गन्धकुटी विहारय् जुयाच्वंगु उगु ब्वज्या थौं क्वचाइगु ज्याझ्वः दु ।
खोकनाबासीया जीवन शैली व स्थानीय संस्कृति ब्वज्याय् स्वयेखनाः स्थानीय जनता तसकं लय्ताःगु दु। लिधंसा पासा पुचःपाखें ग्वसाः ग्वःगु ज्याझ्वलय् फोटो पत्रकारत विकास रौनियार, राजेश गुरुङ, ध्रुव आले, नरेश श्रेष्ठ, राजेन्द्र मानन्धर व बालकृष्ण थापापिंसं नं अवलोकन याःगु खः।
ब्वज्याय् ख्वना देय्या नेवाः संस्कतिया लिसें ख्वनावासीया जीवन शैली दुथ्याःगु फोटो अन प्रदर्शन जुयाच्वंगु दु ।
