थौं पचिमर्हः
येँ (सन्ध्या टाइम्स)/मोहनिया झ्वलय् येँदेय्या क्वःने लागाय् न्यायेकीगु पचिमर्हः थौं न्यायेकेत्यंगु दु। पचलि भैरवया सिजः त्यपयात चान्हय् मनूतय्सं क्वबियाः थ्व जात्रा याइगु खः। थुकी गुर्जुया पल्टन समेत हयाः जात्रा यायेमाः। भैरवया त्यप पचलिं हनुमानध्वाखाय् हइबलय् अन कुमारी माजुयात नं हयाः क्यने हइगु चलन दु। कुमारी माजुयात मोहनिबलय् निक्वः पित हइगु परम्परा मध्ये छक्वः थौं खःसा मेगु नवमि कुन्हु चान्हय् खः। क्वःने लागाय् च्वंपिनि मोहनि नखःया मुख्य न्हि हे थौंया न्हियात कयातःगु दु ।
