राजनीतिक गतिरोध अन्त्यया निंतिं एमालें पहल याइगु
सरकारया नेतृत्व यानाच्वंगु नेकपा (एमालें) दलत दथुइ खनेदुगु मतभेदया अन्त्यया निंतिं पहल याइगु जूगु दु ।
एमालेया मू ज्याकू बल्खुइ बुधवाः च्वंगु स्थायी समितिया बैठकं राजनीतिक गतिरोध अन्त्यया निंतिं एमाले नेता भरतमोहन अधिकारीया संयोजकत्वय छगू वार्ता कमिटी गठन याःगु दु । न्ह्यम्ह दुजः दगु उगु कमिटीइ युवाराज ज्ञवाली, केशव बडाल, प्रदीप ज्ञवाली, रामचन्द्र झा, उर्मीला अर्याल व पर्शुराम गुरुङ दुजः कथं च्वनादीगु दु ।
कमिटीं राजनीतिक गतिरोध अन्त्यया निंतिं संविधानसभाय् प्रतिनिधित्व याइगु दक्वं दलत नाप वार्ता व संवाद याइगु व अवरुद्ध सदन सुचारु यायेगु विषयलय् सहलह न्ह्याकीगु खँ एमाले सचिव युवराज ज्ञवालीं कनादिल ।
अथेहे बैठकं धनुषा, महोत्तरी लगायत जिल्लाय् खनेदुगु पार्टी दुनेया विवाद मिलेयायेगु जिम्मा पार्टी उपाध्यक्ष वामदेव गौतमयात ब्यूगु दु ।
