माओवादीं लोकतन्त्रया उपहास याःगु मन्त्री खाँडया द्वपं

सिंचाई मन्त्री बालकृष्ण खाँडं एकीकृत नेकपा (माओवादीं) अप्पां क्येकाः लोकतन्त्रया उपहास याःगु खँ धयादीगु दु ।

नेपालगञ्जय् मंगलवाः पार्टीया कार्यकर्तातनाप खँल्हांबंला यानादिसें मन्त्री खाँडं लोकतन्त्रय् विरोध यायेगु अधिकार दक्वसिकें दुसां माओवादीं थें अप्पां क्येकीगु अधिकार मदु धयादिल । वयेकलं माओवादीं लोकतन्त्र विरोधी चरित्र प्रर्दशन याःगु नं द्वपं बियादिल ।

अराजक्ताया राजनीतिं माओवादीयात हे घाटा जुइगु धयादिसें मन्त्री खाँडं माओवादीया थंज्याःगु ज्या विरुद्ध जनता स्वयमं प्रतिकार याइगु ख्याच्वः बियादिल । जबरजस्ती राजनीति याइपिं विरुद्ध छप्पं जुइत नं मन्त्री खाँडं कार्यकर्तातय्त इनाप यानादिल ।

वयेकलं कांग्रेस शान्ति प्रकृया व लोकतन्त्र प्रति प्रतिबद्ध जूगुलिं सुयां धम्की व दबावय् मवइगु नं धयादिल ।