दान्यहिरा सिरपाः निम्ह गायकयात
येँ (सन्ध्या टाइम्स)/ नेपालभाषा एकेदमिपाखें साहित्य व संगीत विधायात बीगु याना वयाच्वंगु दान्यहिरा सिरपाः थुगुसी नेवाः संगीत विधायात च्वन्ह्याकेगु ज्याय् तिबः बी कथं निम्ह गायकयात मंकाः कथं बीगु जूगु दु ।
थुगुसी थ्व सिरपाः गायक सतिश महर्जन व गायिका रत्नशोभा महर्जनयात मंकाः कथं बीगु निर्णय जूगु खः। न्यय्द्वः तकाया थ्व सिरपाः निम्हेसित इनाः बी ।
साहित्य व संगीत ख्यलय् बीगु थ्व सिरपाः संगीतया स्वंगू विधा (गायन, संगीत व रचना) यात पालंपाः बीगु खःसा थुगुसी गायनया पाः लाःगु खः ।
थ्वहे वइगु असोज २८ गते छगू सांगीतिक ज्याझ्वः यासें उगु सिरपाः लःल्हाइगु ग्वसाः दु। नांजाःपिं गायकपिं प्रेमध्वज प्रधान, योगेश वैद्य व किरण शाक्यया निर्णायक पुचलं थ्व निर्णय याःगु खः ।
