दुर्घटनाय् खुम्ह सित
येँ (सन्ध्या टाइम्स)/देय्या थीथी थासय् जूगु गाडी दुर्घटनाय् लानाः खुम्ह सीगु दुसा आपालं घाःपाः जूगु दु। येँनं नेपालगञ्जपाखे वनाच्वंगु ना. २ ख ५९१५ नम्बरया बस रुपन्देहीया घोडाया धाःगु थासय् दुर्घटना जुयाः स्वम्ह सीगु दुसा प्यम्ह घाःपाः जूगु दु। थौं सुथय् ४.४५ बजेपाखे दुर्घटना जुयाः उकिया सहचालक सुशील आचार्य व लमजुङ्गया सोममाया लामा व वया च्यादँ दुम्ह म्ह्याय् सुष्मा लामा सीगु खः ।
अथे हे बाराया निजगढय् येँनं विराटनगर वनाच्वंगु ना. ३ ख २६११ नम्बरया बसया ठक्करं लँय् वनाच्वंम्ह भवनाथ चौलागाईं सीगु दु। चौलागाईं सीगु विरुद्ध स्थानीय वासिन्दां यातायात ठप्प याना बिउगु दुसा आपालं यात्रुत लँय् तुं अलपत्र जुयाच्वंगु दु। उखे पोखराय् जीप दुर्घटनाय् लानाः अर्जुन विक व विशाल विक सीगु दु ।
