ल्हातय् बम मुयाः घाःपाः

येँ (सन्ध्या टाइम्स)/बाराय् थम्हं ज्वना वःगु बम मुयाः छम्ह घाःपाः जूगु दुसा छम्हेसित प्रहरीं ज्वंगु दु। बम मुयाः हिरालाल यादव घाःपाः जूगु खःसा विष्णु यादवयात प्रहरीं ज्वंगु दु। उखे सशस्त्र सीमा सुरक्षा बलया गेटय् बम मुयाः प्रहरी जवान राजकुमार पाण्डे घाःपाः जूगु दु। अखिल तराई मुक्ति मोर्चाया कार्यकर्तां ज्वना वःगु बम गाडीं क्वकायेगु झ्वलय् मुयाः प्रहरी जवान घाःपाः जूगु खः ।