नेक्राविसंघया हना ज्याझ्वः
ख्वप (सन्ध्या टाइम्स)/ नेपाल क्रान्तिकारी विद्यार्थी संघया ग्वसालय् १ वडा न्यंकंया थुगुसी एसएलसी पास जूपिं व आईए, बीए व एमए तगिमय् ताःलाःपिं विद्यार्थीपिंत नेमकिपाया अध्यक्ष नारायणमान बिजुक्छेँ रोहितं सिरपाः व दसि पौ लःल्हासें हन ।
संघया १ वडाया अध्यक्ष रामेश्वरी कोजूया सभापतित्वय् जूगु ज्याझ्वलय् नेमकिपाया मोहनप्रसाद प्रजापति, लक्ष्मीप्रसाद कुसी, नेक्राविसंघ गुक्वःगु राष्ट्रिय सम्मेलन तयारी समितिया दुजः सुलोचना छ्वाजू व संघया ख्वप नगर समितिया सचिव रामेश्वर मचामसीपिंसं भिंतुना देछानादीगु खः ।
