विशेष समितिं पौडेलया नां अनुमोदन

नेपाल सरकारं कुवेतया राजदूतया निंतिं सिफारिश याम्ह मधुवनप्रसाद पौडेलया नां संसदीय सुनुवाइ विशेष समितिं मंगलवाः अनुमोदन याःगु दु ।

मंगलवाः सिंहदरवारय् च्वंगु विशेष समितिया बैठकं पौडेलया नां सर्वसम्मतिं अनुमोदन यायेवं वयेकयात राजदूत जुइगु लँपू चागू दु । पौडेल परराष्ट्र सेवाया पुलांम्ह कर्मचारी खः ।

विशेष समितिया बैठकयात तारई-मधेश लोकतान्त्रिक पाटीया वृजेशकुमार गुप्तां धाःसा बहिष्कार यानादीगु दु । वयेकलं थीथी देशय् राजदूतया निंतिं सरकारं प्रस्तावित राजदूतय् नां पूर्ण समावेशी व समानुपतिक प्रतिनिधित्वया सिद्धान्त कथं मजूगु धासें बैठक बहिष्कार यानादीगु खः ।