भारतं प्रोत्साहन प्याकेज लित मकाइगु

येँ (सन्ध्या टाइम्स)/भारतीय अर्थ मन्त्री प्रणव मुखर्जीं आर्थिक मन्दीया समस्यां पिहां वयेत जारी याःगु प्रोत्साहन प्याकेगु तत्कालया निंतिं लित मकायेगु घोषणा याःगु दु।
विश्वया अर्थतन्त्रय् व्यापक लिच्व: लाइकथं शुरु जूगु मन्दीं बचे जुइगु निंतिं भारतीय केन्द्र सरकारं थीथी चरणय् थीथी कथंया शुल्कय् क्वपाःगु खः। थुकिया लिसें सरकारी निक्षेप अप्वयेकाः आर्थिक विकासयात थासय् हयेगु कुतः नं याःगु खः ।

भारतीय घरेलु उत्पादन थुगु आर्थिक दँया अन्त तकया दुने ६ दशमलव ८ प्रतिशतं कुहां वये फइगु अनुमान थुकिया विज्ञतसें याःगु दुसा उखे भारतीय वित्त मन्त्रालयं थुगु दँय् ५ दशमलव ५ प्रतिशत व मेगु दँ ४ दशमलव ४ प्रतिशत तक वृद्धि यायेगु खँ धाःगु दु ।