पत्रकारं पत्रिका च्याकल
येँ (सन्ध्या टाइम्स)/ पत्रकार महासंघ बारे च्वःगु समाचारयात कयाः थौं धनुषाया पत्रकारतय्सं अनं पिहां वइगु जनकपुर टुडे पत्रिका च्याकल ।
म्हिगः जनकपुर टुडेय् पिदंगु 'पत्रकार महासंघपाखं भ्रमया खेती' शीर्षक समाचार निन्दनीय जूगु धासें थौं सुथय् पत्रकारतय्सं उगु पत्रिका च्याकूगु खः ।
उगु समाचार पत्रकार महासंघया धनुषा शाखाया पत्रकारतय् चरित्र हत्या यायेगु कथंया जूगु खँ धासें पत्रिकायाया सम्पादकयात कारवाही यायेमाःगु माग नं याःगु खः ।
महासंघया प्रतिष्ठाय् आँच वइगु कथंया समाचार सम्प्रेषण याःगु धासें अनया पत्रकारतय्सं उगु पत्रिकायात कारवाही यायेमाःगु माग नं पत्रकार महासंघय् याःगु दु। लिसें प्रेस काउन्सिल नेपाल व सूचना विभागयात नं कारवाहीया निंतिं सिफारिस सहित पौ छ्वःगु दु ।
