पुलांम्ह मन्त्रीपाखें मचायात यातना
येँ (सन्ध्या टाइम्स)/शाहीकालया मन्त्री दुर्गा श्रेष्ठं थःगु छेँय् ज्या याकातःम्ह छम्ह मचायात मानसिक व शारीरिक यातना बिउगु खँ सीदुगु दु। राप्रपा नेपालया केन्द्रीय दुजः तकं जुयाच्वंम्ह श्रेष्ठं थःथाय् छेँय् ज्या याकेत तयातःम्ह गुदँ दुम्ह सोनी श्रेष्ठयात वंगु स्वदँनिसें प्वाः जायेक मनकेगु लिसें दायेगु ज्या यानाच्वंगु खँ धाःगु दु ।
थौं सुथय् प्रहरी व पत्रकारतय् छगू पुचः मचाया उद्धार यायेत वय्कःया छेँय् वंबलय् वय्कःया छेँय् च्यानल गेट तिनाः मचायात कुनातःगु व छेँय् मय्जु श्रेष्ठया छेँजःपिं सुं हे मदुगुलिं उद्धार याये मफुगु खँ अनया प्रहरीं धाःगु दु।
पुलांम्ह मन्त्री श्रेष्ठं ब्यास नगरपालिका वडा २ मालपोत रोडय् च्वंगु छेँय् मचायात कुनातःगु खः ।
