निःशुल्क चचा प्याखं
येँ (सन्ध्या टाइम्स)/वज्र कला कुञ्जपाखें दँय्दसं थें थुगुसी नं निःशुल्क चचा प्याखं स्यनेगु कक्षा शुरु याःगु दु। लछियंकं जुइगु थ्व तालिम ज्याझ्वः म्हीगंनिसें शुरु खः ।
चचा गुरु चन्द्रमान मुनिकारं कनादी कथं थौंकन्हय् न्हिछिया स्वंगू शेसन यानाः न्ह्याकाच्वंगु थ्व तालिमय् स्वंगू कक्षां च्वय्यापिं न्ह्याम्हं विद्यार्थी, अभिभावक, पेशाया मनूतय्सं ब्वति काये फइ। थुकी चचाया नापं नेवाः बाजं नं स्यनेगु ज्या जुयाच्वगु दु। थ्व ज्या येँ मनपाया ग्वाहालिं सञ्चालन जुयाच्वंगु खः।
