माओवादी अवरोधया कारणं ज्याझ्वः स्थगित

एकीकृत नेकपा (माओवादी)या कार्यकर्तातय्सं अवरोध यायेवं सिंचाईमन्त्री बालकृष्ण खाँडं उल्लेज्या यानदीगु ज्यझ्वः स्थगित जूगु दु ।

मध्य व सुदूरपश्चिमया तःधंगु रानी जमरिया गुलरीया सिंचाई आयोजनाया साइड ज्याकू उल्लेज्या यायेत धनगढीं टिकापुर वनेगु झ्वलय् माओवादी कार्यकर्तातय्सं राजमार्गय् मन्त्रीयात अप्पां क्येकाः अवरोध याःगु खः । मन्त्री खाँडं गयावःगु गाडीयात लक्षित यानाः प्रदर्शनकारीतय्सं अप्पां क्येकेवं मन्त्री टिकापुर मवंसें नेपालगञ्ज झयादीगु खः ।

ज्याझ्वलय् मन्त्री अनुपस्थित जुइवं न्हापांगु चरणय् नीप्यद्वं व निगूगु चरणय् नीद्वं हेक्टर जमीनय् सिंचाई सुविधा थ्यंकेगु ताः तःगु आयोजनाया उल्लेज्या स्थगित जूगु दु ।