महासमिति बारे कांग्रेसय् सहलह
येँ (सन्ध्या टाइम्स)/ कांग्रेसया महासमिति बैठक बारे सहलह यायेत नेपाली कांग्रेसया छगू पुचः थौं सुथय् सभापति गिरिजाप्रसाद कोइरालाया छेँय् वंगु दु ।
सभापति कोइरालां छगू हे दँय् महासमितिया बैठक च्वनेगु व महाधिवेशन यायेगु ज्या याये मफइगु जूगुलिं महासमितिया बैठक स्थगित यायेत पार्टीया नेतातय्त दबाव बिया वयाच्वंगु खः ।
उखे इलय् महासमितिया बैठक च्वनेमाः धासें कांग्रेसया केन्द्रीय नेतातय्सं सः थ्वयेका वयाच्वंगुलिं थ्व विवाद ज्यंकेत छपुचः नेतात सभापति कोइराला निवास महाराजगञ्जय् थ्यंकः वंगु खः ।
महासमिति बैठक यायेगु बारे सभापति कोइराला व केन्द्रीय दुजःतय् दथुइ विवाद तच्वया वनाच्वंगु दु ।
