प्रधानमन्त्री नेपाल अमेरिका प्रस्थान
प्रधानमन्त्री माधवकुमार नेपाल राष्ट्र संघया खुइप्यक्वःगु महासभाय् ब्वति कायेत आइतवाः बहनी अमेरिका प्रस्थान यानादीगु दु ।
नीप्यम्ह प्रतिधिमण्डलया नेतृत्व यानाः उखे झायादिम्ह प्रधामन्त्री नेपालं विमानस्थलय् संचारकर्मीत नाप खँल्हाबंला यानादिसें भ्रमणया प्रमुख एजेण्डा जलवायु परिवर्तन, खाद्य संकट, शान्ति सेना व स्वास्थ्य जूगु धयादिल ।
वयेकलं महासभायात असोज ७ गते हिमाली व तटीय देय्या समस्याया बारे सम्बोधन यानादीगु ज्याझ्वः दु । अथेहे ८ गते अमेरिकी राष्ट्रपति बाराक ओबामा नाप खँल्हाबंला यानादीसाः वहे न्हि कुन्हु इन्टरनेसनल हेल्थ पार्टनरसीपया ज्याझ्वलय् सम्बोधन यानादी । ८ गते कोलम्बिया युनिभर्सिटी, वल्ड लिडस्र फोरम व राष्ट्रसंघीय खाद्य ज्याझ्वःयात सम्बोधन यानादी ।
अमेरिका भ्रमण क्वचायेकाः वयेक असोज १२ गते नेपाः लिहांझायादी ।
