ल्वाभः सहित स्वम्ह ज्वन

येँ (सन्ध्या टाइम्स)/जनकपुरया पुल्चोकं ल्वाभः सहित म्हिगः स्वम्हेसित ज्वंगु दु। ज्वंपि भारतया जयनगरय् च्वनीम्ह मनोज सिंह, धुनषाया उपेन्द्र कापर व श्रीराम सिंह खः। उपिंपाखे प्रहरीं नाइन एमएम अटोमेटिक पेस्तोल छपु, उकिया गोली निगू राउन्ड, छगू थान कटुवा पेस्तोल व उकिया गोली ३ राउन्ड, १२ बोरया कटुवा छपु व निगू राउन्ड गोली नं ज्वंगु दु। भारतीय नागरिक ल्वाभःया आपूर्तिकर्ता खःसा व मेपिं निम्ह तराईलय् सक्रिय सशस्त्र पुचःया दुजः जुइमाः धाःगु दु ।