किपुली न्हूगु वाःपौ

किपू (सन्ध्या टाइम्स)/नेकपा (माओवादी)या सभासद् दिलीप महर्जनं म्हिगः छगू ज्याझ्वःया दथुइ नेपालभाषाया न्हूगु वाःपौ 'ज्वजलपा' विमोचन यानादिल। बुधवाःपतिकं पिथनीगु उगु वाःपौ पिथनेज्याय् मू पाहां दिलीप महर्जन नापं स्थानीय माओवादी प्रतिनिधि सिद्धिकुमार मानन्धर, एमाले नेता सानुकुमार महर्जन, नेपाली कांग्रेसया बद्रीलाल महर्जन व नेमकिपाया हरिकुमार महर्जनपिंसं पत्रिका निरन्तर पिथनेत भिंतुना बियादिल। उगु समारोह पत्रिकाया ब्यवस्थापक व प्रकाशक भाषासेवी भाजु नजरराम महर्जनया सभापतित्वय् जूगु खः ।