बासु उमाबिइ बधाई व विदाई
ख्वप (सन्ध्या टाइम्स)/ नेमकिपाया अध्यक्ष नारायण मान बिजुक्छेँ रोहितं बासु उच्च मावि व बासु कलेजय् जूगु लसकुस व बधाई ज्याझ्वःया उलेज्या यानादिल। वय्कलं विद्यालयया उत्कृष्ट विद्यार्थी व थीथी सिरपाः त्याकूपिं नापं छात्रवृत्ति लाःपिं विद्यार्थीतय्त सिरपाः व छात्रबृत्ति लःल्हानादिल ।
ज्याझ्वलय् सभासद् लीला न्याइच्याई, जिल्ला शिक्षा शिक्षा अधिकारी मिरा शाक्य, त्रिभुवन विश्वविद्यालय शिक्षा संकायया पुलांम्ह डीन प्रा. पृथुचरण बैद्य, बासु उच्च माविया प्राचार्य बालमुकुन्द बासुकला, १० जोड २ या संयोजक व बासु कलेजया प्रिन्सिपल न्हुछेबहादुर खाताख्वः व अन्जली सुवालपिंसं न्ववानादीगु खः। ज्याझ्वः विद्यालय व्यवस्थापन समितिया नायः लक्ष्मीनारायण दुवालया सभापतित्वय् जूगु खः। ज्याझ्वः लिपा विद्यार्थीतय्सं सांस्कृतिक ब्वज्या नं न्ह्यब्वःगु खः ।
