पशुपतिया भारतीयकरण
पशुपतियात भारतीयकरण यायेगु मेगु छपलाः कथं थिनंनिसें अन पशुपति महोत्सव शुरु जूगु दु । थौं शुरु जुयाः ३ गते तक न्ह्याइगु थ्व महोत्सवयात मुक्कं भारतीय शैलीं साचालन यायेत्यंगु खँ सीदुगु दु । ज्याझ्वःया ग्वसाः खलः पशुपति क्षेत्र विकास कोष खःसां उकिया लािगं माःगु दां मनूत व ज्याझ्वःया डिजायन फुक्क हे भारतया थीथी खलः पुचःतय्सं बिउगु खः । ज्याझ्वलय् भारतीय भक्तजन भारतीय कलाकार व भारतीय धार्मिक नेतातय्सं जक ब्वति काइ । नेपाल सरकारया नं ग्वाहालि दुगु थ्व महोत्सवया उले ज्या थौं राष्ट्रपति डा. रामवरण यादवं यानादीगु ग्वसाः दु ।
पशुपति लागाया पुलांगु वस्तीयात अनं थनाः थुकियात भारतीयकरण यायेगु ज्या थ्व स्वयां न्ह्यः हे न्ह्यानाच्वंगु खः ।
