प्रधानमन्त्री नेपालं कोइराला नापलात

प्रधानमन्त्री माधवकुमार नेपालं नेपाली कांग्रेसया सभापति गिरिजाप्रसाद कोइरालायात नापलाना समसामयिक राजनीतिया बारे खँल्हाबंला यानादीगु दु ।

आइतवाः राष्ट्र संघया महसभाय् ब्वति कायेत अमेरिका वने न्ह्यः प्रधानमन्त्री नेपाल शुक्रवाः कोइराला निवास महारजगंज थ्यंका खँल्हाबंला यानादीगु खः । खँल्हाबंलाया झ्वलय् कोइरालां नेपाःया शान्ति प्रकृयायात महासभाय् विश्वयात जानकारी बिया नेपाःया बांलागु प्रभाव लाकेत प्रधानमन्त्री नेपालयात इनाप यानादीगु ख: ।

अथेहे खँल्हाबंलाय् संसदया गतिरोध अन्त्य यायेत माओवादीया प्रस्तावया बारे प्रधानमन्त्रीं कोइरालायात जानकारी बियादीगु खः । वयेकलं थः अमेरिका वनेन्ह्यः हे थ्व विषयलय् सहमति यायेत फक्वः कुत यायेगु नं धयादिल ।