डाक्टरया उपन्यास वल
यल (सन्ध्या टाइम्स)/ चिकित्सा सम्बन्धी च्वसु च्वया वयादीम्ह डा. तुल्सीनारायण श्रेष्ठं नेपालभाषां उपन्यास नं च्वयादीगु दु। नेवाः देय् दबूया नायः नरेश ताम्रकारं म्हिगः वय्कःया उपन्यास 'प्रतिज्ञा' विमोचन यानादिल। अन न्ववासें वय्कलं स्वशासन निश्चित मजूतले नेवाः संघर्ष जारी हे जुयाच्वनीगु खँ कनादिल। नेवाः प्रेस दबू नेपाःया नायः नरेन्द्र श्रेष्ठया सभापतित्वय् जूगु उगु ज्याझ्वलय् उपन्यासकार डा. तुल्सीनारायण श्रेष्ठ, नापं हेराकाजी महर्जन, ऋषिप्रसाद श्रेष्ठ व सुनिता राजोपाध्यायपिंसं न्ववानादीगु खः ।
