चीनया पत्रकारतय्त ख्वपय् हन
ख्वप (सन्ध्या टाइम्स)/ सम्पादक समाज नेपालया ब्वनाय् नेपाः वःपिं वरिष्ठ चिनिया पत्रकारतय्त ख्वपय् छगू ज्याझ्वः यासें हन। ख्वप इन्जिनियरिङ्ग कलेजय् जूगु ज्याझ्वलय् नेमकिपाया केन्द्रीय दुजः व विदेश विभाग प्रमुख प्रेम सुवालं वय्कःपिंत हनेज्या यानादिसें थुगु भ्रमणं निगू देय्या स्वापू प्रगाढ जुइ धयादिल ।
पत्रकार समाज ख्वपं ग्वसाः ग्वःगु ज्याझ्वलय् संस्थाया अध्यक्ष लक्ष्मणराज जोशी, 'श्रमिक' वाःपौया सम्पादक उद्धव सुजखु नापं थीथी वक्तातय्सं न्ववानादीगु खः। ज्याझ्वलय् थीथी द्वहलपाः नं कालबिल जूगु खः। थ्वयां न्ह्यः चिनियाँ पत्रकारतय् पुचलं लाय्कू नापं ख्वपया सांस्कृतिक सम्पदास्थल चाःहिउगु खः ।
