छेँय् वयाः मोबाइल लुटपाट
येँ (सन्ध्या टाइम्स)/थम्हं यानागु ज्याया ध्यबा कायेगु नामय् छम्ह ज्यामिं ठेकेदारया काययात हातपात यानाः वयाके च्वंगु मोबाइल समेत लुटे याना यंकूगु दु।
राम लामा नांया उम्ह ज्यामिं म्हीग सानेपाय् छेँ दनेगु ज्याय् खटे जुयाच्वंम्ह दिव्यरत्न महर्जनयात घेराउ बियाः वयाके च्वंगु २५०० तका दां व झिंच्याद्वः तका तूगु मोबाइल लुटे याना यंकूगु खँ पीडित महर्जनं धाःगु दु ।
सुथय् ११ बजेपाखे खुगः मोटरसाइकल व छगः गाडी समेत वःम्ह लामा व वया पासापिंसं महर्जनयात लुटपाट याःगु खः।
पीडित महर्जनं धाः कथं अन वःगु खुगः मध्ये छगः मोटरसाइकल (एपाची) या नम्बर बा. २३ प १६७७ खःसा आः वयात मालेगु ज्या जुयाच्वंगु दु ।
