चित्रकारया निगू सफू पिदन

येँ (सन्ध्या टाइम्स)/च्वमि शिशिल चित्रकारं 'सन्ध्या टाइम्स' न्हिपती इलय् ब्यलय् च्वयादीगु बौद्ध च्वसुत मुनाः सफूया रुपय् पिथनादीगु दु। 'राज्यय् विवेक दयेमाः' शीर्षकया उगु सफू छगू बःचाधंगु ज्याझ्वःया दथुइ संघउपनायक भिक्षु अश्वघोष महास्थविरं विमोचन यानाबिज्यात। उगु हे ज्याझ्वलय् च्वमि चित्रकारं थःगु पोष्ट ग्राजुयट अध्ययनया झ्वलय् तयार यानादीगु शोधग्रन्थयात सफूया रुपय् पितहःगु 'चरित्र निर्माणमा बुद्ध धर्मको भूमिका' नं विमोचन जूगु खः। ज्याझ्वलय् भिक्षु कोण्डन्य व च्वमि चित्रकारं नं विमोचित सफूया बारे न्ववानादीगु खः ।