बोडेय् नेपालभाषा साहित्य मुँज्या

थिमि (सन्ध्या टाइम्स)/वइगु कौलाथ्व द्वादशी व त्रयोदशी (असोज १५ व १६ गते) निन्हुयंकं ख्वपया त्रिपुरासुन्दरीइ जुइगु नीगुक्वःगु नेपालभाषा साहित्य तःमुँज्या व सांस्कृतिक ब्वज्या ताःलाक न्ह्याकेत तयारी यायेगु झ्वलय् बोडेया प्राइम एकेडेमिइ नेपालभाषा साहित्य चिमुँज्या जुल। नीगुक्वःगु नेपालभाषा साहित्य तःमुँज्याया ग्वसाः खलःया साहित्य समितिया संयोजक जगन्नाथ सुजखुया सभापतित्वय् जूगु उगु ज्याझ्वलय् सुन्दरराम था श्रेष्ठ, सूर्यराम श्रेष्ठ, एल. के. सुन्दर, कृष्ण प्रजापति, सुलोचना छ्वाजुपिंसं म्येँ, चिनाखँ, बाखं व च्वसु न्यंकादीगु खः ।