एडीबीं थप अनुदान स्वीकृत
एशियाली विकास बैंक (एडीबीं) नेपालय् साना शहरी खानेपानी व सरसफाई परियोजना विस्तारया निंतिं ३ अर्ब ४९ करोड ५५ लाख (४ करोड ५१ लाख अमेरिकी डलर बराबर)या अनुदान उपलब्ध याइगु जूगु दु ।
मनिला स्थित बैंकया मुख्यालयलय् शुक्रवा: च्वंगु सञ्चालन समितिया बैठकं निगूगु चरणय् साना शहरी खानेपानी परियोजना विस्तारया निंतिं थ्व ग्वाहालि यायेगु निर्णय याःगु खः । परियोजनाया कूल लागत मध्ये नेपाः सरकारं २ करोड ५ लाख अमेरिकी डलर बराबर व्यहोरे याये मालिसाः लभान्वित जुइगु समुदाय व स्थानीय निकायं ६१ लाख अमेरिकी डलर व्यहोरे याइ ।
थ्व परियोजना देया थीथी नीगू चीचीधंगू शहरी क्षेत्रय् लागु जुइसाः औसत जनसंख्या झिंखुद्वंया हाराहारीलय् जुइगु खँ एडीबी धाःगु दु । थुकीं २ लाख पीद्वं म्हेसिनं प्रत्यक्ष खानेपानी व सरसफाईया सुविधा कायेफइ ।
थ्वस्वयां न्ह्यः सन् २०००य् एडीबीं नेपालय् शहरी खानेपानी आयोजनाया निंतिं ३ करोड ५० लाख त्यसाः स्वीकृत याःगु खसाः उकीं नीगुंगू साना शहरी क्षेत्रय् आयोजना सञ्चालन जुइधुंकूगु दु ।
