प्रमाणिकरणय् मलापिं लडाकूतय्त नं व्यवस्थापन याइगु
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' प्रमाणिकरणय् मलापिं माओवादीया लडाकूतय्त नं उपयुक्त व्यवस्थापन याइगु खँ धयादीगु दु ।
पार्टी प्रशिक्षाणया निंतिं शुक्रवा: चितवनया शक्तिखोर शिविरय् थ्यंकादिम्ह माओवादी अध्यक्ष प्रचण्डं प्रमाणिकरणय् मलापिं लडाकूत सहित मस्तय् उचित भरणपोषणया निंतिं नं माओवादीं सम्बन्धित निकाययात दबाब बीगु धयादिल ।
वयेकलं सेना समायोजन प्रकृया न्ह्यायेधुंकूगु व याकनं हे सेना समायोजन जुइगु आश्वासन लडाकूतय्त बियादिल । वयेकलं विषेश समिति मातहातय् लडाकूत च्वनाः याकनं सेना समायोजन जुइगु धयादिसें लडाकूतय्त अनुशासनया पालना यायेत निर्देशन नं बियादिल ।
शत्तिखोर अर्न्तगत न्ह्यगुलिं डिभिजनया माओवादीया लडाकूतय्त माओवादी अध्यक्ष प्रचण्ड सहित पार्टीया वरिष्ठ उपाध्यक्ष मोहन वैध 'किरण', उपाध्यक्षत डा. बाबुराम भट्टराई व नारायणकाजी श्रेष्ठ 'प्रकाश', महासचिव रामबहादुर थापा 'बादल', पोलिटब्यूरो दुजः नेत्रविक्रम चन्द 'विप्लप', अग्नि सापकोटा लगायत नेतातय्सं आन्तिरिक प्रशिक्षण ब्यूगु खः ।
