अर्थमन्त्री सवार गाडीइ अप्पां क्येकल
राष्ट्रपतिया पलाःया विरुद्ध व नागरिक सर्वोच्चता पलिस्था यायेत आन्दोलन यानावयाच्वंगु एकीकृत नेकपा (माओवादी)या कार्यकर्तातय्सं अर्थमन्त्री सुरेन्द्र पाण्डेयात हाकूगु ध्वाँय् क्यंसें वयेक सवार गाडीइ अप्पां क्येकूगु दु ।
चन्डेश्वरी वचत व ॠण सहकारी संस्थाया दँमुज्याया उल्लेज्या यायेत भ्वातय् थ्यंकादिम्ह मन्त्री पाण्डेयात प्रदर्शनकारीतय्सं ज्याझवः स्थल प्रवेशय् अवरोध यानाः हाकूगु ध्वाँय् क्यंगु खः । लिपाः प्रहरीं बल छ्यलेवं प्रदर्शनकारीतय्सं अप्पां क्येकूगु खः । ज्याझ्वः स्थल पिने प्रहरी व प्रदर्शनकारीत दथुइ झडप नं जूगु खसाः लिपाः प्रहरीं झडप नियन्त्रणय् कायेत झिगू सेल अश्रुग्याँस प्रहार याःगु खः ।
प्रदर्शनकारीतय् अप्पां लानां स्वम्ह पत्रकार व न्याम्ह प्रहरी घाःपाः जूगु दुसाः माओवादीं प्रहरीया आक्रमणं थः पिनि झिंन्याम्ह कार्यकर्तात घाःपा जूगु दाबी याःगु दु ।
