ईलोहं सिरपाः घोषणा
येँ (सन्ध्या टाइम्स)/ ईलोहं मचालय्पौ गुदँ बुदिंया लसताय् ईलोहं प्रकाशनपाखें दँय्दसं बीगु थीथी सिरपाः घोषणा जूगु दु ।
घोषणा जूकथं न्याद्वः तकाया ज्ञानज्योति ईलोहं सिरपाः साहित्यकार रेवती राजभण्डारीयात, निद्वः तकाया ईलोहं एल्भीस सिरपाः मीना बज्राचार्ययात, म्हतिं द्वःछि तका बीगु ईलोहं साय्मि सिरपाः रकृति श्रेष्ठ (श्री महांकाल मा.वि.), नितु डंगोल (जगतसुन्दर ब्वनेकुथि), रुबिना शाक्य (श्री महांकाल मा.वि.), रजनी श्रेष्ठ (श्री महांकाल मा.वि.) व सविता महर्जन (परोपकार मा.वि.) यात बीगु जूगु दु। अथेहे द्वःछि तकाया ईलोहं च्वसु सिरपाः पलिस्था महर्जन (अन्नपूर्ण उच्च मा.वि.)यात बीगु जूगु दुसा न्हय्द्वः तकाया 'नःलि प्रधान सिरपाः' बाखं च्वमि लक्ष्मण राजवंशीयात लःल्हाइगु जूगु दु।
अथे हे ईलोहं प्रकाशनयात थीथी कथं ग्वाहालि याना वयाच्वंपिं गुडविल फाइनान्सया प्रबन्ध निर्देशक सरोजकाजी तुलाधर, सिटी जिन्स टेलर्सया राजाराम डंगोल व नव नवरत्न आर्टया काजीराज शाक्ययात नं विशेष सम्मान याइगु जूगु दु। सिरपाः थ्वहे वइगु असोज ५ गते प्रदिप्त पुस्तकालय छगू ज्याझ्वः यासें लःल्हाइ ।
