पार्टी त्वःतूसां सभासद कायम
येँ (सन्ध्या टाइम्स)/ संविधानसभा कार्यव्यवस्था परामर्श समितिं नेपाली जनता दलया सभासद् विश्वनाथ अग्रवालया सभासद् पद यथावत तयेगु निर्णय याःगु दु। थौं च्वंगु समितिया बैठकं थ्व निर्णय याःगु खः ।
समितिं सभासद अग्रवालं अन्तरिम संविधान कथं मेगु दल चायेकेगु वा समितिया नियमित बैठकय् उपस्थित मजुइगु छुं ज्या मयाःगुलिं जूगुलिं वय्कःया सभासद् पद कायम हे जुइगु निर्णय याःगु खः ।
जनता दलया निम्ह सभासद् मध्ये वय्कः वर्तमान सरकारया समर्थक खःसा मेम्ह सभासद् गायत्री साह धाःसा सरकारया विरोधी खः। पार्टी नीति अःखः वन धकाः जनता दलं वय्कःयात पार्टीं निष्काशन यानाः सभासदं नं लिकायेत निवेदन बियातःगु खः ।
